قوشار: علیرضا ناعمی
گئنه شوق و شعفه بو دل شیدا گلدی
موسم مرحمت حیّ تعالی گلدی
نوریلن سربهسر آفاق اولوب نورانی
جلوه جلوه ز بس آیات تجلّی گلدی
ماه شعباندی دولوب شور و صفادن دنیا
عرشیلن فرش بو گون جمله مصفّا گلدی
قدسیان عالم والاده دوتوب جشن و سرور
مرحبا دیلده صفا بزمینه حورا گلدی
عطر رضوانی یایوب هر طرفه باد صبا
دهریدن رایحه جنّتالاعلی گلدی
دسته دسته سپیلور مقدمینه اولدوزلار
قویدی دنیایه قدم ماه دلآرا گلدی
سئونوب سوّم شعباندا بتولین قلبی
گلشن عشقه حسین اول گل زیبا گلدی
دؤزمز عاشق دوشه بیر آن اوزاقا یاریندن
جلویه چارم شعباندا بو معنا گلدی
اوچ دئین گونده اگر گلدی حسین دنیایه
دورد دئین گونده ابوالفضل توانا گلدی
تشنه عشق اولان آماده دئ قیلسون قدحین
بو گون عطشانلاری سیراب ائده سقّا گلدی
بزم عیش و طرب هر یئرده قوروب عاشقلر
هیجانه کی بو گون یکسره دنیا گلدی
مرتضانون ائوی رضوانه دؤنوبدور گویا
عرض تبریکه هامی اهل تولّا گلدی
گون آلوب ماه بنیهاشمی بو گون قوجاقا
نور نوره قاریشوب آیت کبری گلدی
نه ابوالفضل، نهقدر حُسن و وجاهت واریدی؟
کیمدی یوسف کی مین او طلعته دارا گلدی
همّت و غیرت و صولتده علینون اؤزودی
وارث منزلت حجّت یکتا گلدی
پهلوانلیق یاراشور هیبتینه قامتینه
اوجا بوی، انّی کورک، سینهسی سینا گلدی
شعره حاشا سیغینا مدحت اوصافی اونون
وقری چون کوه گران، غیرتی دریا گلدی
نوشته شده توسط : احمد رنجبری حیدرباغی - تاریخ : چهارشنبه 91/4/7 ساعت 6:58 ع
مطلب بعدی :
حاج علمدار ماهر شاعر برجسته آذربایجان درگذشت